Makandioneiko Nhai Mwari?

-


 GUEST POET: BRIAN KAZUNGU


               
Munhu Akachenjera Munhu Akangwara
Makandioneiko nhai Mwari, kundipa huchenjeri hwakadzama kudai?
Makandioneiko nhai Mwari, kundipa njere dzakarodza kudai?
Makandioneiko nhai Mwari, kundiita mhare yamazvirokwazvo kudai?
Makandioneiko nhai Mwari, kundionesa zvakavanzika kudai?
Nekuda kwechamakaona pandiri Mwari, ndinoti misi yose kudzwai

Munhu Ane Chiso Ne Chimiro Chakanaka
Makandioneiko nhai Mwari, kundipa runako rwakadai?
Makandioneiko nhai Mwari, kundiita mhenya yakadai?
Makandioneiko nhai Mwari, kundiita tsvarakadenga yakadai?
Makandioneiko nhai Mwari, kundiumba zvinoshamisa kudai?
Nekuda kwechamakaona pandiri Mwari, ini nemoyo wose ndinokudai

Munhu Arimurudo Rwunodekadza
Makandioneko nhai Mwari, kundipa mudiwa anemoyo wakanaka kudai?
Makandioneiko nhai Mwari, kundipa chido chemoyo chakanaka kudai?
Makandioneiko nhai Mwari, kundipa mudiwa anerudo rwunodekadza zvakadai?
Makandioneiko nhai Mwari, kundipa mudiwa akandikwanira zvakadai?
Nekuda kwechamakaona pandiri Mwari, ini misi yose ndinokunamatai

Munhu Akaropafadzwa/Munhu Akakomborerwa
Makandioneko nhai Mwari, kubva mandiropafadza kudai?
Makandioneiko nhai Mwari, kuti chese chandabata chinobudirira zvakadai?
Makandioneiko nhai Mwari, kuti kwese kwandaenda ndinogamuchirwa kudai?
Makandioneiko nhai Mwari, kuti kwese kwandabva vanondisuwa zvakadai?
Nekuda kwechamakaona pandiri Mwari, ndinoti ne mbiri yose garai

Munhu Akaponeswa Pamatambudziko
Makandioneiko nhai Mwari, kundinzvengesa nzira dzewakaipa kudai?
Makandioneiko nhai Mwari, kundirirwa panjodzi zvakadai?
Makandioneiko nhai Mwari, kundirwira kuvavengi vakawanda kudai?
Makandioneiko nhai Mwari, kundibvumbatira pahondo dzerima kudai?
Nekuda kwechamakaona pandiri Mwari, nekusingaperi, pachituro chehumambo garai




Comments

Post a Comment

Popular posts from this blog

Hama Dzine Moyo Yakaipa Kudai

-
Image
GUEST POET: BRIAN KAZUNGU   Hama dzine moyo yakaipa kudai ndidzo chete dzatasara nadzo Dzingava hama dzeropa, dzeganda, dzechitendero kana dzezvenyika Chadzo kuda kuona isu tese tichitambura, pasina kana chedu chinopfakanyika Zvikaramba zvakadai, hapana kwatiri kuenda, irikuparara nyika Dzavo dzimba vanopfirira nekupfurunura dzavamwe Dzavo huni, matanda nembariro zvakavaka dzimba dzevamwe Chavo chikuwe, chimbo cherufu pamisha yevamwe Hapana chavo kana pasina chashaikwa nevamwe Kutambudzika kwedu, kwavari imhiko, vakatoita zvekupikira Chese chingatitambudza, nyangwe chikaita kure sei, vangatochifambira Havadi kuti isu vamwe tibudirire, vanoshuwira kutiona isu pasi tichiwira Vanofara kwazvo, kana isu vamwe tese tikashaya Nyadenga chaakatisikira Kana vaenda kumberi, hakuna anofanira kutevera Pavanocheuka, wese wavaona arikuda kuvapindira Kuita chavasina kufunga ivo, kutori kuvakanganisira Mukabatana pachenyu, kwavari ihondo, matovapanduki
Read more

Gejo

-
Image
BY TENDAI KAMHUNGIRA Kusvibira kwachainge chakaita Chibage chacho Haiwa! Chaidonhedzesa rute Pandakaona kutoterera Ndakanzwa manyezu nyakata Ndikati aiwa ndinotorinyudza chete Rekwangu gejo Ndakanyatsorodzera Hana ichirova nemufaro Ndikaona hore zvino yakanga yakunga Ndikaziva kuti yoda kuturuka Zvine uturu Ndakafemera pamusoro Kuzeza gombo Pfungwa nendangariro dzaiona pari patsaru Ndikati regai ndiurime ndega gore rino Ndigosakura nekudiridzira Kudyara sungano yeupenyu Paya pandakanga ndoda kuti kwengu Zvikanzi aiwa, kwete Kuri kuzeza gejo Ndakasekerera ndikati aiwa ndapawana patsaru Ndikati nhaka ndapinda basa rekugobora zvigutsa Ko paiva nechekumhanyira here Iro gombo raive rangu? Imwe pfungwa ikati wazvitangidzira Wadii wateedza mupata wakanyorovera zvireruke Ndakati fambei ndichidzika nechezasi kwemunda Ndokusvika nechepakati Ndikati ahaa! Pano ndopondotangira Ndakarinyudza zvine unyanzvi Ndakasunga shaya Nek
Read more

Nyika Ine Vanhu Vakawanda

-
Image
GUEST POET: BRIAN KAZUNGU Chokwadi tingati here makawanda, kana paine vanoti vakafamba imi mese munohwanda Tingati here makawanda, kana paine vanoti vakataura nyangwe chakaipa hapana anoramba Chokwadi munganzi here makawanda kana paine vanokudyirai mugove wezvese zvamakashanda Aiwa, kana vazhinji munyika vari zvimbwasungata zvevamwe, hatingamboti makawanda Nyangwe vari vashoma, nyika inonzi ine vanhu vakawanda kana pamwechete vaine chavanovaka Asi tinoti ine vanhu vashoma, kana nyika izere vanotambudzana kusvika pakuparadza zvakavakwa Nyika inonzi ine vanhu vakawanda, kana ivo vachibatana pakuita zvinhu zvakanaka Asi tinoti ine vanhu vashoma, kana iine zviuru ne zviuru zvinotadzisa vamwe kugara zvakanaka Kana vanhu vazhinji munyika vachigara vari mimvuri yevamwe, ivavo tinovatora se sevasipo Iko kufambidzana ne vanhu vasipo muhupenyu hwavo pachavo, kunotosvora maziso se sipo Nokuti kwese kwamaenda vanoswero kudzimaidzai, mukashaya chabuda kunge musina ka
Read more